Rituali i pazakontë i sulmuesit holandez Wout Weghorst para përballjes mes FC Twente dhe PSV Eindhoven u bë objekt diskutimi në rrjetet sociale, ndërsa shumë tifozë u përpoqën të kuptonin se çfarë po bënte ai në fushë.
Ndryshe nga ata që e morën me humor këtë veprim, profesori i neuropsikologjisë Erik Scherder dha një shpjegim profesional për lëvizjet e futbollistit.
Të lidhura
None found
Sipas Scherder, përdorimi i duarve në atë mënyrë i shërben aktivizimit të trurit dhe rritjes së nivelit të vigjilencës përpara nisjes së ndeshjes.
Profesori shpjegoi se koordinimi i duarve kërkon një angazhim të madh të trurit. Për këtë arsye, këto lëvizje vënë në punë zona të rëndësishme të tij, duke e përgatitur sistemin dhe duke e bërë trurin më aktiv.
Weghorst nuk vonoi ta dëshmonte efikasitetin e tij në fushë: pasi shumë njerëz qeshën me ritualin, ai shënoi golin e barazimit. Në fund, Twente triumfoi ndaj PSV-së me rezultatin 3-2.
