Kushdo që ka thënë që ka parë gjithçka në futboll, është mirë ta rishikojë edhe njëherë. Ajo që ka ndodhur në një derbi në Greqi ishte me të vërtetë e veçantë.
Ditën e djeshme në ligën e tretë në Greqi luhej sfida derbi mes Panseraikos dhe Kavalës, e cila u fitua nga këta të fundit me rezultatin 3-1.
Vëmendjen e të gjithëve e ka tërhequr ajo që ndodhi në minutën e 63 të ndeshjes. Gjatë zëvendësimit, gjyqtari i habiti të gjithë, teksa në vend të tabelës, ngriti një fletë A4, ku tregonte numrin e lojtarit që do futej dhe atij që do të largohej. Një moment i veçantë ky, që nuk është parë në futboll, të paktën në atë profesionit.