Klubi i Futbollit Oriku ka emëruar Gerd Haxhiun si trajnerin e ri, pas shkarkimit të Sherif Idrizajt. Skuadra vlonjate ka gjetur menjëherë pasuesin e tij, duke ia besuar pankinën një emri të njohur të futbollit shqiptar.
Për teknikun 53-vjeçar, kjo detyrë përfaqëson një rikthim në Vlorë, ku më parë ka drejtuar Flamurtarin. Gjatë karrierës së tij, Haxhiu ka qenë gjithashtu trajner i Skënderbeut, Partizanit, Besës, Korabit dhe Partizanit U21.
Të lidhura
None found
Oriku njoftoi zyrtarisht se ka arritur marrëveshje të plotë me trajnerin vlonjat, i cili e formalizon sot bashkëpunimin me klubin. Haxhiu do ta nisë menjëherë punën në krye të ekipit për përgatitjen e sfidave të ardhshme.
Tekniku i ri vjen me një përvojë të gjerë dhe me një karrierë të gjatë në futbollin shqiptar, si në Superligë, ashtu edhe në Kategorinë e Parë. Klubi vlerëson se eksperienca, disiplina dhe njohja e futbollit vendas do të jenë të rëndësishme për drejtimin e skuadrës drejt objektivit të këtij sezoni.
Oriku i ka uruar mirëseardhjen Gerd Haxhiut në familjen e klubit dhe suksese në këtë rrugëtim të ri.
