Propozim për martesë LIVE në emision, Kiara Tito i jep fund beqarisë? (FOTO LAJM)

Emisioni “Style Star” në Abc News me moderator Kiara Titon është kthyer në një ndër emisionet më të ndjekura të ekranit.

Çdo javë konkurrentet sjellin në skenë veshje të ndryshme duke iu përshtatur temës së caktuar nga produksioni.

Këtë javë tema ka qenë “dasma”. Vajzat sollën veshje nga më të ndryshme dhe si çdo javë nuk munguan as sulmet mes njëra-tjetrës.

Por emisioni nuk filloi si gjithmonë. Me hyrjen e tij në skenë, pjesatari i jurisë dhe njëkohësisht stilisti i njohur, Niko Komani u ul në gjunjë duke i propozuar Kiara Titos me unazë në dorë.

“Pranoj”, u përgjigj moderatorja plot të qeshura dhe humor.

Nëse të gjithë po mendonin se kjo ishte në kuadër të temës së javës në “Style Star”, postimi i Niko Komanit në Instagram ka ngritur dyshime. “Ajo tha po”, shkruan Niko ndërkohë që Kiara e quan “dashuria ime”.

Presim të mësojmë nëse ka diçka vërtetë mes Kiara Titos dhe Niko Komanit./albeu.com/

Shtuar 22.05.2021 10:11