Ndahen papritur Bora Zemani dhe Donald Veshaj, cila është arsyeja (FOTO LAJM)

Marrëdhënia e Bora Zemanit dhe Donald Veshajt ka qenë një nga më të përfolurat në mediat rozë. Lidhja e tyre, më pas ndarja, ribashkimi dhe pranimi i dashurisë publikisht, i ka vendosur ata gjithmonë në qendër të vëmendjes.

Megjithëse ne mendonim se çdo gjë mes tyre po shkonte më së miri, duket se Bora dhe Donaldi po kalojnë një krizë në marrëdhënie. Kjo gjë është reflektuar edhe në rrjetet e tyre sociale, që shërbejnë gjithmonë si sinjal i parë dhe kryesor për raportet në çift. Bora dhe Donaldi nuk e ndjekin më njëri-tjetrin në Instagram dhe kanë fshirë fotografitë që kishin bashkë. Megjithatë, Bora vazhdon të ndjekë vëllain binjak të Donaldit, Romeon, në Instagram.

“Prive” ka mësuar se Bora dhe Donaldi nuk po kalojnë momentet më të mira aktualisht. Se çfarë ka ndodhur mes tyre nuk dihet ende, por shpresojmë që kjo situatë të mos zgjasë shumë dhe ata të rikthehen sërish në krahët e njëri-tjetrit.

Për herë të fundit Bora dhe Donaldi janë shfaqur bashkë në rrjete sociale gjatë muajit mars. Ata postuan disa foto shumë “funny”, të cilat dëshmonin të kundërtën e asaj që mësuam sot. Bora dhe Donaldi dukeshin shumë të dashuruar, duke kaluar çastet më të bukura në shoqërinë e njëri-tjetrit.


Shtuar 24.04.2021 08:40