Selvije Jao e ka përjetuar ditëlindjen e saj të parë pa bashkëshortin, këngëtarin Shpat Kasapi, një mungesë që ia ka bërë këtë ditë veçanërisht të dhimbshme.
Të lidhura
None found
Përmes rrjeteve sociale, ajo ka ndarë një video nga një festë e kaluar, ku Shpati shfaqet pranë saj duke e surprizuar me rastin e ditëlindjes.
Postimin, Selvija e ka shoqëruar me një dedikim kushtuar bashkëshortit të ndjerë, duke sjellë në vëmendje mënyrën se si ai kujdesej që kjo ditë të ishte gjithmonë e veçantë për të.
“Sado angazhime të kishe, sado momente të vështira të kishim kaluar, edhe kur jeta na sfidonte aq shumë, ti prapë nuk e harroje këtë ditë. Ti prapë dije si ta bëje ditën time festë”, shkruan Selvija.
Kësaj here, kujtimi i Shpat Kasapit ka qenë pjesë e ditëlindjes së Selvijes, e cila e ka kaluar këtë ditë pa praninë e bashkëshortit të saj.
