Çfarë ndodhi? Leonora Jakupi “shpërthen” ndaj Nora Istrefit: Hajdute dhe gënjeshtare!

Leonora Jakupi ka reaguar pas deklaratës së Nora Istrefit, e cila mohoi t’i kishte vjedhur këngën “Sa t’kom dasht”. Artistet, që dikur ishin mikesha të ngushta, janë komentuar shpesh për faktin se nuk flasin më pikërisht për këtë arsye. Në një intervistë që dha së fundmi, Nora u shpreh:

“Kurrë nuk i kam vjedhur këngë Leonora Jakupit. Të ishte një këngë e Leonorës unë s’do ta bëja kurrë. Bëhet fjalë për këngën “A e ke ditë” e cila këngë e Flori Mumajesit. Refreni është i Florit ndërsa pjesën tjetër të këngës e kam bërë vetë. Ka qenë këngë shumë personale e imja në kohën kur është bërë.

E kam ndjerë shumë, hala e dua si këngë. Jam kundër raporteve negative sidomos ndaj femrave.”, tha Nora. Mirëpo, menjëherë pas kësaj deklarate, Leonora ka bërë një postim në Instagram, ku duket se i drejtohet drejpërdrejt ish mikeshës së saj. “Edhe hajn edhe rrenc”, ka shkruar ajo.


Shtuar 23.10.2022 09:54