Tre persona mbetën të lënduar në një aksident trafiku që ndodhi më 29.06.2026, rreth orës 05:30, në autostradën “Miqësia”, në rrugën shërbyese që e lidh atë me Aeroportin Ndërkombëtar të Shkupit, pasi një veturë “Nisan” me targa kombëtare serbe doli nga kontrolli, u përplas në një gardh metalik dhe më pas u përmbys.
Të lidhura
None found
Siç u njoftua në SPB Shkup, automjeti drejtohej nga N.Gj. (33) nga Serbia. Si pasojë e aksidentit, ai dhe bashkudhëtarja A.Gj. (26), po ashtu nga Serbia, pësuan lëndime të rënda trupore, ndërsa fëmija i tyre dyvjeçar mori lëndime trupore.
Sipas të dhënave, lëndimet janë konstatuar në Kompleksin e Klinikave “Nënë Tereza” në Shkup. Në vendin e ngjarjes kanë kryer këqyrje prokurori publik dhe ekipi hetimor i SPB Shkup.
