Gjatë ditëve të fundit, në zona të ndryshme të vendit janë evidentuar disa vatra zjarri, kryesisht në hapësira të hapura, deponi dhe sipërfaqe me bimësi të thatë.
Qendra për Menaxhim me Kriza bëri të ditur se vetëm gjatë kësaj fundjave janë regjistruar dhjetëra zjarre në ambiente të hapura. Prej tyre, 9 janë shuar plotësisht, ndërsa një vatër vijon të jetë aktive në Komunën e Haraçinës.
Të lidhura
None found
Situatë e ngjashme po raportohet edhe në vendet e rajonit, përveç zjarreve të shënuara në vendin tonë.
Në Greqi, zjarre të mëdha pyjore kanë përfshirë ishullin Evia, i njohur si një destinacion turistik, ndërsa autoritetet greke kanë urdhëruar evakuimin urgjent të banorëve.
Edhe në Shqipëri janë raportuar disa vatra zjarri, megjithatë autoritetet atje thonë se gjendja është nën kontroll. Zjarret janë përqendruar kryesisht në zonat e Lezhës dhe Tropojës, ku situata paraqitet më e rënduar. Forcat zjarrfikëse dhe shërbimet e emergjencës po vijojnë punën për shuarjen dhe mbikëqyrjen e vatrave që mbeten aktive.
