Me 64 vota pro dhe pa asnjë votë kundër apo abstenim, Kuvendi i RMV-së zgjodhi sot Meri Dika-Georgievskën në detyrën e gjyqtares kushtetuese.
Të lidhura
None found
Pas votimit, Dika-Georgievska dha betimin solemn. Ajo është diplomuar për drejtësi në Fakultetin Juridik të Universitetit “Shën Kirili dhe Metodi” në Shkup.
Në karrierën e saj profesionale, ajo ka ushtruar detyrën e gjyqtares në Gjykatën Themelore në Shkup, ka punuar si avokate dhe ka qenë pjesë e Gjykatës së Apelit.
Dika-Georgievska ka shërbyer gjithashtu si anëtare e Këshillit Gjyqësor gjatë periudhës nga viti 2012 deri në vitin 2018.
