Në 24 orët e fundit, deri në orën 7:30 të mëngjesit të sotëm, në hapësira të hapura janë evidentuar 23 zjarre, njofton Qendra për Menaxhimin e Krizave (QMK). Prej tyre, dy mbeten aktive, një është vënë nën kontroll, ndërsa 20 të tjera janë shuar.
Të lidhura
None found
Një nga vatrat aktive ndodhet pranë Makedonski Brod, në lokalitetin Vidush afër fshatit Dragov Dol, ku po digjen bimësi e ulët, pyll me kërcell të ulët dhe shkurre.
Ndërkaq, në vendbanimin Sredorek të Komunës së Kumanovës vazhdon një zjarr tjetër aktiv, ku kanë marrë flakë mbeturinat.
Agjencia Qendrore e Menaxhimit të Emergjencave bën të ditur se zjarri në deponinë e qytetit të Dellçevës ndodhet nën kontroll.
