Agjencia Rregullatore e Barnave (MHRA) në Mbretërinë e Bashkuar ka miratuar një ilaç të ri kundër Covid, të njohur si Xevudy (sotrovimab).
Ilaçi, sipas agjencisë, është i sigurt dhe efektiv në reduktimin e rrezikut të shtrimit në spital dhe vdekjes.
I zhvilluar nga GSK dhe Vir Biotechnology, sotrovimab është një antitrup i vetëm monoklonal.
Ilaçi funksionon duke u lidhur me proteinën Spike në pjesën e jashtme të virusit. Kjo nga ana tjetër parandalon që virusi të ngjitet dhe të hyjë në qelizat njerëzore, në mënyrë që të mos mund të riprodhohet në trup.
Në një provë klinike, një dozë e vetme e antitrupit monoklonal zvogëlon rrezikun e shtrimit në spital dhe vdekjes me 79% te të rriturit./albeu.com/
