Situata në zonën e pyllëzuar të kodrave të Bardhajve në Shkodër mbetet e vështirë, pasi flakët vijojnë të përhapen të favorizuara nga terreni dhe kushtet e krijuara.
Banori Zef Dushi, ka denoncuar dëmet e shkaktuara nga zjarri pranë banesës së tij. Sipas tij, flakët kanë djegur ullinj dhe mjete bujqësore, ndërsa ai i ka bërë apel shtetit për ndërhyrje dhe ndihmë.
Të lidhura
None found
Një tjetër banor ka kërkuar përdorimin e helikopterit për shuarjen e zjarrit, duke paralajmëruar se, nëse nuk ndërhyhet, situata rrezikon të rëndohet më tej.
Forca të ushtrisë dhe shërbimet zjarrfikëse ndodhen në terren, ku po përpiqen të neutralizojnë dhe izolojnë vatrat e zjarrit. Deri tani, shkaqet e rënies së zjarrit nuk janë bërë të ditura.
