Një zjarr ka shpërthyer në një burg të mbipopulluar në Xhakarta të Indonezisë, dhe të paktën 41 persona kanë humbur jetën, raporton albeu.com.
Zjarri shpërtheu në orët e para të mëngjesit të së mërkurës në burgun e Tangerang, kur shumica e të burgosurve ishin në gjumë.
Kishte 122 të burgosur që qëndronin në Bllokun C, blloku i burgut që u prek nga zjarri, ndërsa kapaciteti është 40 persona.
Mes viktimave janë dhe të huaj, përfshirë të burgosur nga Portugalia dhe Afrika e Jugut.
Ministrja e Ligjit dhe të Drejtave të Njeriut të Indonezisë, Yasonna Laoly tha në një konferencë për shtyp se ambasadat e vendeve përkatëse ishin informuar.
Laoly shtoi se dhoma të shumta në bllokun e burgut ishin mbyllur dhe nuk mund të hapeshin ndërsa zjarri u përhap./albeu.com