Zjarr i përmasave të mëdha në kodrën pranë Mëmlishtit, flakët kërcënojnë pyllin me pisha

Një vatër zjarri ka përfshirë gjatë pasdites së sotme një kodër pranë fshatit Mëmlisht në Pogradec.

Të ndihmuara nga era, flakët janë përhapur me shpejtësi dhe kanë vënë në rrezik masivin pyjor me pisha që ndodhet në zonë.

Për përballimin e situatës në terren janë angazhuar dhjetëra forca të MZSH-së, dy mjete zjarrfikëse si dhe punonjës të shërbimit pyjor.