Ditën e sotme është mbajtur seanca gjyqësore në Gjykatën e rrethit të Kurbinit, për agjentin e policisë Jeton Lami, i cili u la në burg për akuzën “shpërdorim detyre” pasi kishte ndihmuar të shumëkërkuarin e drejtësisë Ervis Mrtinaj.
Gazetarja Klodiana Lala ka zbuluar për zhdukjen e Ervis Martinaj është marrë në pyetje edhe Endrit Dokle.
Të lidhura
None found
“Katër ditë më parë është marrë në pyetje edhe Endrit Dokle. Ai ka mohuar të ketë konflikte dhe gisht në zhdukjen e Ervis Martinaj. Ai ka thënë se gjatë ditëve që Prokuroria pretendon se është zhdukur Ervis Martinaj ai ka qenë në ambiente të survejuara me kamera dhe i shoqëruar me persona që mund ta dëshmojnë këtë”, tha gazetarja Lala.
Policia nuk përjashton asnjë pistë dhe asnjë personazh në lidhje me hetimin për rrëmbimin e mundshëm të Ervis Martinaj.
Gjatë ditës së sotme grupi i hetimit është duke kryer kontrolle në dy ambiente të njohura në kryeqytet për të zbuluar nëse ka informacion ose pamje që mund të nxjerrin detaje nga kjo histori./albeu.com
