Zgjedhjet e pjesshme vendore, Meta i propozon PS-së datën 6 mars

Pas takimit me Presidentin Ilir Meta, kreu i Grupit Parlamentar të PS-së Taulant Balla ka dalë në një deklaratë për media ku është shprehur se kreu i shtetit ka propozuar datën 6 mars për mbajtjen e zgjedhjeve të pjesshme vendore.

“Jemi ftuar nga presidenti sot për një takim konsultativ lidhur me vakancat prej shumë kohësh në shumë bashki të vendit. I thashë presidentit se ky institucion duhet ta kishte ushtruar këtë detyrim ligjor që në njoftimin më të parë për krijimin e vakancave duke filluar nga më e para e krijuar në gusht të vitit 2018 në bashkinë e Shkodrës. Respekti ndaj kushtetutës është detyrim nga të gjitha institucionet. Zgjedhjet duhet të ishin zhvilluar brenda afatit 45-ditor. Dhe për ne nuk ka asnjë datë. Data është e përcaktuar nga ligjit dhe kushtetuta. Nga presidenti jemi informuar edhe me institucionet përgjegjëse për zhvillim. Presidenti mendon që zgjedhjet duhet të zhvillohen në datën 6 Mars”, tha Balla./albeu.com

Shtuar 19.01.2022 12:57