Nga kontrollet e ushtruara të policisë në bashkëpunim me OSHEE-në janë konstatuar sërish raste të vjedhjes së energjisë elektrike. Si rezultat janë arrestuar 3 persona dhe janë shpallur në kërkim 3 të tjerë.
Gjithashtu janë proceduar penalisht 12 shtetas për të njëjtën vepër penale.
Njoftimi i policisë:
Kontrollet e përbashkëta me OSHEE-në evidentojnë 17 raste të vjedhjes së energjisë elektrike.
Arrestohen në flagrancë 2 shtetas, procedohen penalisht 12 shtetas dhe shpallen në kërkim 3 të tjerë.
Gjithashtu, vihet në pranga një shtetas i shpallur në kërkim për vjedhje të energjisë elektrike.
DVP Tiranë/Nga specialistët për Hetimin e Krimit në Komisariatet e Policisë në DVP Tiranë janë arrestuar në flagrancë shtetasit K. I., H. K. dhe janë shpallur në kërkim shtetasit B. K., H. I. dhe J. T.
DVP Shkodër/Nga specialistët për Hetimin e krimit në Komisariatin e Policisë Shkodër janë proceduar penalisht shtetasit Gj. U., H. S., Rr. P., Gj. P., Rr. D., N. H., Sh. S. dhe K. L., ndërsa nga Komisariati i Policisë Malësi e Madhe u procedua penalisht shtetasi V. M.
DVP Durrës/Nga specialistët e Hetimit të Krimit në Stacionin e Policisë Plazh u proceduan penalisht shtetasi L. D.
Nga specialistët e Hetimit të Krimit në Komisariatin e Policisë Elbasan janë proceduar penalisht shtetasit A. K. dhe I. H.
Nga specialistët e Seksionit për Krimet në Komisariatin e Policisë Poliçan u kap shtetasi i shpallur në kërkim G. B.
Strukturat e Policisë do të vijojnë kontrollet në të gjithë vendin, për të parandaluar, evidentuar dhe goditur paligjshmërinë në cilëndo fushë që ajo shfaqet.
Policia e Shtetit fton qytetarët që të denoncojnë në numrin 112 dhe në Komisariatin Dixhital, çdo rast të paligjshmërisë./albeu.com
