Pamjet e kamerave të sigurisë kapën momentin kur dy agjentë të TSA dyshohet se vodhën të paktën 600 dollarë para Cash dhe sende të tjera nga bagazhet e pasagjerëve në një aeroport në Florida.
Josue Gonzalez, 20 vjeç dhe Labarrius Williams, 33 vjeç, u kapën në kamera duke kontrolluar çantat e udhëtarëve që prisnin të kalonin përmes skanerit në pikën e kontrollit E në Aeroportin Ndërkombëtar të Miami në qershor. Punëtorët e TSA u arrestuan në korrik kur autoritetet e zbatimit filluan të hetojnë akuzat për vjedhje në pikën e kontrollit, raportoi NBC6.
Videoja nga pika e kontrollit tregon dy hajdutët e akuzuar në seksionin e marrjes së bagazheve teksa punojnë së bashku për të marrë para nga kuletat dhe çantat që i kalojnë në aparatin me rreze X.
Në një moment, dyshja qëndruan pranë njëri-tjetrit dhe dukej se po bisedonin, ndërsa Williams gërmonte nëpër një çantë të zezë, duke hequr një send dhe duke e lënë atë në kosh ndërsa Gonzalez e vendosi koshin në rripin transportues dhe e futi në xhep artikullin./albeu.com
