Në Durrës një 29-vjeçar është vetëplagosur me thikë në lokalin ku punonte. Ai është transportuar në spital dhe po merr ndihmë mjekësore. Ende nuk dihen shkaqet pse I riu u vetëlëndua, ndërsa grupi hetimor ka nisur hetimet.
Njoftimi i policisë:
Durrës/Informacion paraprak
Më datë 11.06.2021, rreth orës 17:30, në lagjen nr.13, Durrës, në ambientet e lokalit ku punonte dyshohet se është vetëplagosur me mjet prerës (thikë), shtetasi L. R., 29 vjeç, banues në Durrës, i cili pas ndërhyrjes së Policisë është transportuar dhe ndodhet në spital nën kujdesin e mjekëve.
Grupi hetimor ndodhet në vendngjarje dhe po punon për zbardhjen dhe sqarimin e plotë të ngjarjes./albeu.com
