Këtë të martë, Unioni i Sindikatave mbajti një protestë përpara Ministrisë së Financave, si vazhdim i aksioneve protestuese që prej 24 ditësh po zhvillohen para Kryeministrisë.
Gjatë grumbullimit, përfaqësuesit sindikalë dhe protestuesit shprehën shqetësimet e tyre për kushtet e punës, nivelin e pagave, si edhe për largimin e profesionistëve nga vendi. Ata kërkuan masa konkrete nga institucionet për përmirësimin e situatës së punonjësve në sektorë të ndryshëm.
Të lidhura
None found
Në fjalimet e mbajtura gjatë protestës, ata vunë theksin te pesë kërkesa që, sipas tyre, duhet të trajtohen si përparësi nga politikat qeveritare.
Kërkesat e Unionit të Sindikatave janë: më shumë investime në shërbimet publike; paga të drejta dhe kushte dinjitoze pune; mbrojtja e vendeve të punës dhe e të drejtave sindikale; ndalimi i largimit të profesionistëve nga vendi; një tranzicion dixhital i drejtë që respekton të drejtat e punonjësve.
