Dy shpërthime me lëndë eksplozive kanë tronditur Durrësin në orët e para të mëngjesit. Rreth orës 3:50, një tjetër shpërthim me tritol është regjistruar në një nga lokalet në zonën e lulishtes.
Një tjetër shpërthim ka ndodhur në një servis në Shkallnur, i cili ka alarmuar banorët e zonës dhe ka shkaktuar dëme të shumta materiale në biznes.
Të lidhura
None found
Njoftimi i policisë:
Durrës/Informacione paraprake Rreth orës 03:50, në lagjen nr. 11, Durrës, në derën e jashtme të një lokali në pronësi të shtetasit G. K., është hedhur një sasi e vogël lënde plasëse. Si pasojë, janë shkaktuar vetëm dëme të lehta materiale.
Gjithashtu, rreth orës 04:30, në zonën e Shkallnurit, në anë të rrugës Plepa–Ndroq, është hedhur një sasi lënde plasëse në derën e garazhit të një automjeti, duke shkaktuar vetëm dëme materiale.
Grupet hetimore, nën drejtimin e Prokurorisë, po vijojnë veprimet për mbledhjen dhe administrimin e provave, zbardhjen e plotë të rrethanave, si dhe identifikimin dhe kapjen e autorit/autorëve.
