Tre të plagosur pas përplasjes së dy makinave në aksin Elbasan-Peqin

Një përplasje mes një “Mercedes-Benz” dhe një “Audi A3” është regjistruar këtë të premte në rrugën Elbasan-Peqin.

Si pasojë e aksidentit kanë mbetur të lënduar tre persona, konkretisht një grua dhe dy burra.

Ende nuk janë përcaktuar rrethanat dhe shkaqet që çuan në përplasjen e automjeteve.

Pas ngjarjes, në vendin e aksidentit shkuan forcat e Policisë, shërbimet zjarrfikëse dhe autoambulancat, ndërsa të plagosurit po marrin kujdesin e nevojshëm mjekësor.