Tronditje në Spanjë dhe në një ndeshje të La Ligës. Në ndeshjen e Granadës me Athletic Bilbao në “Los Carmenes”, një tifoz i vendasve ka pësuar një atak kardiak në tribuna dhe me gjithë përpjekjet e mjekëve dhe shpëtimtarëve nuk ka arritur të mbajë veten në jetë.
Portieri bask Unai Simon ishte i pari që kuptoi se çfarë kishte ndodhur dhe njoftoi arbitrin, i cili ndërpreu lojën dhe nga ana e tij njoftoi zyrtarët e stadiumit. Ndeshja u ndërpre në minutën e 17-të.
Pak më vonë La Liga konfirmoi vdekjen e tifozit.
