Mëngjesin e sotëm, një incident ku u përfshinë edhe të shtëna me armë zjarri ka ndodhur në Greqi. Ngjarja ndodhi në Peristeri.
Sipas informacioneve, ngjarja ka ndodhur në orën 02:20 të mëngjesit në rrugën Dodekanision.
Mësohet se personat që kanë qëlluar kanë qenë në një automjet tip “Audi”, ndërsa shënjestër ka qenë një automjet i tipit “Smart”.
Nga të shtënat mbeti i plagosur lehtë në kofshë një 22-vjeçar shqiptar, i cili ishte pasagjeri i Smart.
Shoferi i Smart-it la 22-vjeçarin të mbuluar me gjak dhe u zhduk, i riu është dërguar në spital ku po merr ndihmë mjekësore.
