Përfaqësuesit e talebanëve kanë hyrë në pallatin presidencial, në Kabul.
Nuk dihen arsyet që i kanë çuar ata në ndërmarrjen e një vendimi të tillë, por mësohet, se banorët janë vënë në panik.
Autoritetet afgane po mundohen të qetësojnë banorët, duke thënë se Kabuli është I mbrojtur mjaft mirë dhe se talebanët nuk mund të hyjnë aty.
Ministri në detyrë i Mbrojtjes Kombëtare Afgane, Gjeneral Bismillah Mohammadi, ka kërkuar të sigurojë banorët e Kabulit se gjithçka është në rregull dhe Kabuli është i mbrojtur.
“Në emër të Forcave të Sigurisë dhe Mbrojtjes Afgane, ju siguroj të gjithëve se siguria e Kabulit është e siguruar”, ka thënë Mohammadi në një fjalim të transmetuar të dielën, duke folur së bashku me disa oficerë ushtarakë. “Forcat tuaja të sigurisë dhe mbrojtjes janë të përkushtuara për të mbrojtur Kabulin”.
“Forcat ndërkombëtare janë gati të bashkëpunojnë me forcat afgane të sigurisë dhe mbrojtjes”, ka shtuar ai.
Ministri në detyrë i mbrojtjes vazhdoi duke thënë se Presidenti Afgan Ashraf Ghani ishte takuar me pleqtë e vendit të shtunën.
Ata kishin rënë dakord të dërgonin një delegacion në Doha të hënën për të “arritur një marrëveshje për çështjen e Afganistanit”.
“Derisa të arrihet një marrëveshje në Kabul, në Afganistan, ju siguroj të gjithëve se siguria e Kabulit është e siguruar”, tha ai. “Në emër të qeverisë së Afganistanit dhe forcave afgane të sigurisë, ju siguroj se derisa të arrihet paqja, siguria e Kabulit është e siguruar dhe ju nuk duhet të shqetësoheni”.
Ndërkohë siç raporton CNN, tetë ose nëntë përfaqësues të delegacioneve të talebanëve nga Katari janë aktualisht brenda pallatit presidencial afgan.
Midis tyre është Anas Haqqani, vëllai i nënkryetarit të talebanëve Sirajuddin Haqqani, shkruan CNN, duke u thirrur në burime.
Sirajuddin Haqqani, është gjithashtu kreu i rrjetit Haqqani, një grup terrorist i drejtuar nga familja që është në linjë me talebanët si dhe al-Kaedën.
Sipas raportimeve të mëparshme të CNN, rrjeti Haqqani konsiderohet nga ekspertët e sigurisë si një nga kërcënimet më domethënëse për stabilitetin në Afganistan. Ai është fajësuar për sulme të shumta në shkallë të gjerë në Afganistan.
Dhe lidhur me zhvillimet e fundit atje ka reaguar edhe Papa Françesku, i cili ka ndarë “shqetësimin” e tij mbi situatën në Afganistan dhe bëri thirrje për “dialog” për të trajtuar konfliktin gjatë lutjes së tij të dielën./albeu.com
