Të paktën 12 persona janë vrarë në sulmet e fundit nga xhihadistët në provincën Ituri, në pjesën verilindore të Republikës Demokratike të Kongos.
Nëntë trupa njerëzish u gjetën të premten në Elake dhe tre të tjerë në Apesiko, dy fshatra në rajonin Mambasa, raportuan zyrtarët lokalë dje të shtunën në Agjencinë France-Presse (AFP).
Ata ia atribuuan përgjegjësinë për masakrat e civilëve anëtarëve të Aleatëve Forcat Demokratike (ADF ) pjesë e një organizate xhihadiste që është zotuar për besnikëri ndaj Shtetit Islamik.
Sipas dëshmive, tre trupave të gjetur në fshatin Apesiko u është prerë koka, ndërsa autorët “i kanë vënë flakën shtëpive dhe kanë grabitur prona”.
Distanca midis fshatrave Elake dhe Apesiko është afërsisht nëntë kilometra.
Forcat Aleate Demokratike (ADF) është një nga grupet e armatosura që shkatërron pjesën lindore të Republikës Demokratike të Kongos dhe është fajësuar për një breshëri sulmesh vdekjeprurëse kryesisht ndaj civilëve.
Ata u formuan nga kryengritës myslimanë nga Uganda, të cilët u vendosën në DR Kongo në vitet 1990.
Në vitin 2019, ADF u zotua për besnikëri ndaj Shtetit Islamik, i cili mori përgjegjësinë për shumë veprime të grupit.Albeu.com.
