Kryeministri Edi Rama ka rishpërndarë artikullin e DailyMail për shqiptarët, mirëpo është ndalur vetëm tek deklarata e kryetarit të Partisë Demokratike, Sali Berishës. Rama thotë se vetëm shërbëtorët e së keqes mund të shkruajnë deklarata të tilla dashakeqëse për Shqipërinë.
POSTIMI I RAMËS:
Vetëm shërbëtorët e së keqes, jashtënxjerrjet e një kombi, pjellat e mbrapshta të sojit të lig që e ndjek pas si hija e një mallkimi këtë vend qysh prej 1912-ës, mund të lëshojnë në gjuhë të huaj deklarata të tilla kundër Shqipërisë!
Vetëm shërbëtorët e së keqes, jashtënxjerrjet e një kombi, pjellat e mbrapshta të sojit të lig që e ndjek pas si hija e një mallkimi këtë vend qysh prej 1912-ës, mund të lëshojnë në gjuhë të huaj deklarata të tilla kundër Shqipërisë! pic.twitter.com/TP6AJGRdr4
— Edi Rama (@ediramaal) November 6, 2022
DailyMail i kushtoi ditën e sotme një shkrim emigrantëve shqiptarë. Në mesin e saj, media britanike ndau dhe një citim nga një deklaratë e kryetarit të PD-së, Sali Berishës, i cili thotë se vendi ynë është kthyer në një rrezik të madh për Ballkanin dhe Europën.
