Sa herë që kryeministri Rama ka udhëtuar drejt Himarës, policia ka shoqëruar në polici shtetasi Aleks Bala.
E njëjta gjë ka ndodhur dhe ditën e djeshme ku Rama gjendej për vizitë elektorale në këtë zonë.
Gjatë një interviste për mediat, Bala shprehet se ky veprim anti ligjor bëhet për pronat e tij dhe se kërkojnë ti mbyllin gojën.
“Kam jetuar 20 vite në Amerike dhe kam ardhur këtu për të mbrojtur pronat e babait tim. Ai nuk di të më përgjigjet mua për pyetjet që i bëj.”
“Dje Aleks Bala është shoqëruar në polici, pa asnjë shpjegim, pa asnjë shkak, pa asnjë arsye ligjore, pa kryer asnjë vepër penale, por vetëm e vetëm se Edi Rama nuk duron dot kritikat në publik!
Kjo nuk është hera e parë. Sa herë që Edi Rama vjen në Himarë, policia e Aleksin shoqëron dhe e izolon Aleksin para ardhjes së tij dhe e lëshojnë pasi Lideri Global largohet.”, ka thënë kandidati i Partisë Demokratike, Arbi Agalliu.