Kryetari i Partisë Mundësia, Agron Shehaj, ka reaguar pas publikimit të një videoje ku delegacioni qeveritar shqiptar, me në krye Taulant Ballën dhe ministrin e Mbrojtjes, Pirro Vëngu, shihet duke luajtur me letra gjatë një vizite zyrtare në Strasburg.
Duke iu referuar pamjeve që po qarkullojnë në rrjetet sociale, Shehaj e cilëson këtë delegacion si “të padenjë të përfaqësojnë shqiptarët”.
Të lidhura
None found
“Skandal, delegacioni qeveritar në vizitë zyrtare kapet duke luajtur me letra në mes të Strasburgut. Kaq seriozisht e merr Taulant Balla dhe shokët e tij përfaqësimin e Shqipërisë në Europë. Keta janë të padenjë për të përfaqësuar shqiptarët”, shkruan Shehaj.
Sipas videos së publikuar online, dy protestues kanë filmuar “mat” delegacionin shqiptar në Strasburg, në momentin kur ata po luanin me letra bixhozi.
