Organizata Botërore e Shëndetësisë ka ngritur alarmin se shpërthimi i Ebolës në Republikën Demokratike të Kongos, i cili ka shkaktuar të paktën 131 viktima, mund të përhapet me një ritëm më të shpejtë nga ai që ishte vlerësuar fillimisht.
Të lidhura
None found
Shefi i OBSH-së, Tedros Adhanom Ghebreyesus, i cili javën e kaluar e shpalli situatën një emergjencë ndërkombëtare, u shpreh se është “thellësisht i shqetësuar për shkallën dhe shpejtësinë e epidemisë”.
Anne Ancia tha për BBC-në se, sa më shumë që agjencia po zhvillon hetimet, aq më e qartë po bëhet se rastet janë shtrirë edhe në zona të tjera, transmeton Klankosova.tv.
Sipas zyrtarëve, në RD të Kongos janë regjistruar më shumë se 513 raste të dyshuara që nga e marta, ndërsa në Ugandën fqinje ka humbur jetën një person.
Shqetësim mbetet frika se shpërthimi mund të ketë qenë aktiv për disa javë para se të identifikohej për herë të parë më 24 prill.
Për llojin e virusit Ebola që po shkakton rritjen e fundit të rasteve nuk ekziston vaksinë, megjithatë OBSH-ja po shqyrton nëse barna të tjera mund të japin mbrojtje.
