Sapo ishte kthyer nga Spanja, zbulohet e shkuara e errët e Delon Troqes

I riu Delon Troqja që u vra mbrëmjen e sotme në qytetin e Vlorës rezulton një person me precedentë penale, i cili është dënuar për trafik droge.

Viktima kishte vetëm dy javë që ishte kthyer nga Spanja teksa mësohet se ishte dëmshpërblyer nga gjykatat shqiptare

Njoftimi i policisë

Rreth orës 21:50, në lagjen “Pavarsia”, Vlorë, në rrethana ende të pa qarta është qëlluar me armë zjarri shtetasi Delion Troqe 38 vjeç, banues në Vlorë, i cili si pasojë e plagëve të marra ka ndërruar jetë në spitalin e Vlorës.

Shërbimet e Policisë kanë mbërritur menjëherë në vendgjarje ku është rrethuar zona dhe janë ngritur pika kontrolli në hyrje dhe në dalje të qytetit dhe përgjatë rrugëve që lidhin njësitë administrative me qëllim kapjen e autorit/ve.

Gjatë krehjes së zonës, në fshatin “Sherishtë”, nga shërbimet e Policisë është konstatuar duke u djegur një automjet i braktisur, i cili paraprakisht dyshohet se mund të jetë i autorit/ve të ngjarjes.

Gjithashtu janë shoqëruar në Komisariat disa shtetas të cilët dyshohen se kanë dijeni për ngjarjen.

Grupi hetimor po vijon punën për sekuestrimin e çdo prove materiale që do ti shërbej zbardhjes së ngjarjes dhe identifikimit të autorit/ve.]


Shtuar 21.05.2021 22:28