Moti i keq shpesh shoqërohet me rrufe. Por sa në rrezik jemi nëse na kap një stuhi e tillë në makinë?
Makina vepron si një kafaz sigurie, dhe na lejon të ndihemi të sigurt brenda saj.
Megjithëse shumica e njerëzve mendojnë se kjo është për shkak të gomave, mbrojtja vjen nga trupi dhe çatia e makinës, e cila kanalizon goditjen e mundshme të rrufesë jashtë, duke i lënë pasagjerët të paprekur.
Sipas ligjeve të fizikës, energjia elektrike kërkon rrugën e rezistencës më të vogël.
Për goditjet e rrufesë kjo do të thotë që rryma do të rrjedhë rreth automjetit në vend që të rrjedhë përmes tij.
Përveç kësaj, xhami i përparmë dhe xhamat e dritareve veprojnë si izolues, duke ofruar një shtresë shtesë mbrojtjeje.
Meghithatë është jetike të theksohet se kjo mbrojtje zvogëlohet nëse keni një dritare hapur.
Lënia e një dritareje të hapur rrit rrezikun e goditjes së rrufesë në automjet, duke dëmtuar potencialisht sistemet elektronike ose qarqet e shkurtra që mund të aktivizojnë jastëkët e ajrit.
Në kushtet e mësipërme, kabriolet ose ato që nuk kanë çati metalike, nuk ofrojnë mbrojtje ekuivalente, ose të paktën atë që ofrojnë modelet e mbyllura.
Por çfarë duhet të bëjmë nëse na kap një stuhi elektrike në makinë?
Nëse jeni në një makinë pa çati metalike, kërkoni strehim në një ndërtesë ose strukturë të fortë.
Shmangni parkimin nën pemë ose pranë transformatorëve, gjë që mund ta përkeqësojë situatën.
Tërhiqeni në anë të rrugës, ndizni dritat e rrezikut dhe fikni motorin. Sigurohuni që të gjitha dritaret të jenë të mbyllura.
Shmangni prekjen e pjesëve metalike ose elektrike, duke përfshirë telefonin tuaj celular.
Mos prekni radion, pedalet, dorezat e dyerve ose timonin. Pasi të ketë kaluar stuhia, mund të dilni me siguri nga automjeti.
Shmangni përdorimin ose bisedën në telefon, edhe nëse nuk është i lidhur me makinën.
Nëse makina juaj goditet nga rrufeja, në përgjithësi është e sigurt të dilni pasi të fiket rryma.
Nëse stuhia vazhdon, prisni derisa të përfundojë, pasi rrufeja mund të godasë të njëjtin vend disa herë./Albeu.com.
