Partia Demokratike u ka përcjellë strukturave të saj në të gjithë vendin një udhëzim për organizimin e një reagimi qytetar ndaj projektit të qeverisë për rishikimin e hartës administrative-territoriale.
Në dokument kërkohet bashkëpunimi me këshilltarët bashkiakë të çdo force politike që kundërshton uljen e numrit të bashkive.
Të lidhura
None found
Sipas PD-së, nisma e propozuar nga mazhoranca cenon parimet e vetëqeverisjes vendore. Për këtë arsye, partia kërkon angazhimin e qytetarëve në zonat ku parashikohet bashkimi ose shkrirja e bashkive.
Udhëzimi përcakton gjithashtu se degët e PD-së duhet të zhvillojnë menjëherë takime me këshilltarët demokratë dhe të hartojnë një plan të përbashkët kundërshtimi në nivel vendor.
