Në sheshin përballë Kryeministrisë, gjatë protestës së 55-të kundër kryeministrit Edi Rama, u dëgjuan thirrje të fuqishme për unitet e mesazhe të thella.
Njëri prej protestuesve që mori fjalën u bëri apel qytetarëve të qëndrojnë të bashkuar, pasi vetëm kështu mund të shndërrohen në makthin e një sistemi të kalbur nga korrupsioni.
Të lidhura
None found
Ai theksoi se rezistenca prej 55 ditësh dëshmon se asgjë nuk është e paarritshme kur njerëzit janë bashkë. Sipas tij, uniteti i popullit përbën tmerrin më të madh për sistemin. “Po afron ajo ditë që e presim prej 35 vitesh”, shtoi ai, duke vënë në dukje se fjalimi i Ramës atë ditë ngriti lart vetëm Taulant Ballën dhe Zegjinenë. Protestuesi këmbënguli se sa më të shumtë të jenë, aq më pranë janë realizimit të synimeve për një Shqipëri të re dhe një Kushtetutë të re. Në fund, ai i ftoi pjesëmarrësit të marrin ato që i quajti “mbeturina” dhe të vijojnë marshimin në paqe, sepse “mbeturinat e tjera gjenden në Parlament”.
