Rama-Bashës: Ndahu nga Likja dhe Saliu, bëhu pak burrë!

Pas fjalës së tij nga Elbasani, kryeministri Edi Rama ka reaguar sërish ndaj sulmeve të kryedemokratit, Lulzim Basha, i cili tha se kreu i qeverisë kishte shkuar në Elbasan i shoqëruar nga bandat.

Rama ka reaguar sërish në Twitter duke i thënë liderit të opozitës se flet përçart për banda e për kriminelë. Teksa shprehet se kreu i opozitës duhet të ndahet nga “Likja e Saliu”, Rama akuzon Bashën se nuk është lider.

“Lulzim je bërë një manekin qesharak i pengmarrësve të tu dhe pasi shkon në festën e popullit të Elbasanit me flamuj partie e me një turmë ulëritësash, flet përçart për banda e për kriminelë! Ndahu nga Likja e Saliu, këpute zinxhirin e Monikës, se lider s’je dot po bëhu pak burrë!”, shkruan Rama.

Shtuar 14.03.2021 12:03