Pep Guardiola është trajneri më i mirë në botë.
Trajneri i Paris Saint-Germainit ka folur për Guardiolan dhe Manchester Cityn, të cilët do jenë kundërshtarët e francezëve në Ligën e Kampionëve.
“Jam i lumtur që luajme kundër Pep, sepse mendoj se ai është trajneri më i mirë në botë. Ndeshjet kundër tij ju ndihmojnë të bëheni më të mirë.
Manchester City është një ekip shumë i mirë dhe Pep e krijoi atë. Mendoj se ai po tregon të njëjtën gjë që bëri në Barcelonë dhe Bayern” – është shprehur Pochettino për “El Larguero”.
Kujtojmë se Paris Saint-Germain dhe Manchester City do të përballen në gjysmëfinale të Ligës së Kampionëve.
PSG ndeshjen e parë e luan si vendas më 28 prill, kurse më 4 maj luan në udhëtim.
