Plas sherri në Kavajë, zjarrfikësi plagos me thikë dy kolegë

Mbrëmjen e djeshme, rreth orës 20:00 në repartin zjarrfikës të Kavajës, një zjarrfikës është konfliktuar me kolegët e tij dhe dyshohet se ka goditur me thikë dy prej tyre.

Këta të fundit kanë marrë dëmtime në këmbë dhe ndodhen në spital jashtë rrezikut për jetën.

Policia e Kavajës, ka shoqëruar në komisariat personat e përfshirë në konflikt dhe ka ndaluar personin e dyshuar si autor të sulmit ndaj kolegëve.

Gjithashtu, zjarrfikësit e përfshirë në konflikt janë pezulluar.