Në fund të procesit të votimit, rreth orës 19:00 një qytetar ka plagosur me thikë një punonjës policie. Sipas njoftimit të policisë, punonjësi i policisë Gëzim Osmanaj po dërgohet për mjekim në spital.
Autori i ngjarjes është identifikuar si Mikel Lleshaj 32 vjeç, ndërsa policia po punon për kapjen e tij.
Njoftimi i plotë:
Fushë Arrëz/ Informacion paraprak
Më datë 25.04.2021, rreth orës 19:00, gjatë mbylljes së procesit të votimit, në momentin e mbërritjes në QV nr. 0399, është plagosur me mjet prerës (thikë), punonjësi i Policisë G. O., i cili po dërgohet për mjekim në spitalin e Pukës.
Nga veprimet e para hetimore është bërë identifikimi i autorit të dyshuar, shtetasi M. Ll., 32 vjeç, banues në fshatin Qafë Mali, Pukë dhe po punohet për kapjen e tij.
Në vendngjarje, grupi hetimor, nën drejtimin e Prokurorisë së Rrethit Gjyqësor Pukë , po vijon punën për sqarimin e rrethanave të kësaj ngjarjeje./albeu.com
