“U argëtova, do ta bëj përsëri sapo të dal.” Kështu është shprehur para forcave të rendit italian 22-vjeçari nga Bregu i Fildishtë, i arrestuar të shtunën, më 4 korrik, pasi sulmoi me thikë një burrë 55-vjeçar jashtë një bari në zonën e San Siros në Milano.
Të lidhura
None found
I riu u bllokua nga klientët e lokalit para se të mund të largohej dhe tashmë akuzohet për tentativë vrasjeje. Megjithatë, sipas deklaratave të tij të para, kjo akuzë nuk duket se e shqetëson aspak.
55-vjeçari i plagosur ndodhet i shtruar në Spitalin Niguarda në Milano dhe vijon të jetë në gjendje kritike. Sipas forcave të rendit, ai u godit “nga pas, me një thikë 21 centimetra, duke e goditur 20 herë” në kokë, qafë, gjoks dhe bark.
Sulmi i rëndë me thikë u regjistrua i gjithi nga kamerat e sigurisë të vendosura jashtë lokalit.
Autori pritet të merret në pyetje nga gjyqtari mëngjesin e së hënës, më 6 korrik. Ndërkohë, prokurori ka kërkuar që arrestimi të konfirmohet, duke e vlerësuar të riun si rrezik për arratisje dhe për përsëritje të krimit.
