Përplasen katër makina në Tiranë, një person i plagosur rëndë

Një aksident masiv është shënuar ditën e sotme në Unazën e Madhe afër rreth rrotullimit të Saukut, ku janë përplasur katër makina.

Burime për media bëjnë me dije se si pasojë ka mbetur i plagosur rëndë një person. I plagosuri është dërguar me urgjencë në spitalin e Traumës. Nuk dihet ende nëse ka persona të tjerë të plagosur.

Policia ndodhet në vendin e ngjarjes dhe po punon për zbardhjen e plotë të rrethanave të këtij aksidenti masiv.