Anëtarët e opozitës në Komisionin për Europën dhe Punët e Jashtme kanë kërkuar paraqitjen urgjente të ministrit të Jashtëm, Ferit Hoxha, për të dhënë shpjegime lidhur me dy incidente diplomatike, të cilësuara si të rënda nga ana e tyre.
Në një kërkesë zyrtare drejtuar kryetarit të komisionit, Igli Hasani, deputetët demokratë theksojnë se bazuar në raportimet mediatike, ministri Hoxha ka ndërmarrë veprime që cenojnë marrëdhëniet ndërkombëtare dhe imazhin e vendit.
Të lidhura
None found
Sipas opozitës, incidenti i parë lidhet me një komunikim të ministrit me trupën diplomatike shqiptare, ku ai dyshohet se ka udhëzuar që Donika Gervalla, aktualisht ministre e Drejtësisë dhe ish-ministre e Jashtme e Kosovës, të mos ketë asnjë komunikim apo vizitë me ministra të Republikës së Shqipërisë.
Incidenti i dytë ka të bëjë me një mesazh të pretenduar të ministrit në një grup komunikimi me ambasadorë shqiptarë, ku ai dyshohet se ka përdorur termin “idiotë” për shqiptarët e Maqedonisë së Veriut.
