Një vit luftë, mesazhet e liderëve perëndimorë: Putin ka dështuar, jemi krah Ukrainës

Një gjë po bëhet shumë e qartë sot: Perëndimi ende qëndron në solidaritet me Ukrainën.

Ndërsa lufta hyn në vitin e saj të dytë, liderët në mbarë botën kanë dërguar mesazhe mbështetjeje.

Kryeministri britanik Rishi Sunak ndau një video ku shfaqeshin ukrainasit që kishin gjetur strehim në Mbretërinë e Bashkuar.

Presidentja e Komisionit Evropian Ursula von der Leyen tha se BE do të jetë me Ukrainën për aq kohë sa të duhet.

Presidenti i SHBA Joe Biden theksoi se si Vladimir Putin kishte dështuar të ndante NATO-n, duke thënë se ajo është më e fortë se më parë.

Kancelari gjerman Olaf Scholz ka thënë se Putin nuk do t’i arrijë qëllimet e tij në Ukrainë, një vit pasi trupat e Moskës pushtuan vendin.

“Sa më herët të kuptojë presidenti rus se nuk do ta arrijë qëllimin e tij imperialist, aq më e madhe është mundësia që lufta të përfundojë së shpejti. Putin e ka në dorë. Ai mund t’i japë fund kësaj lufte”, tha Scholz. /albeu.com


Shtuar 24.02.2023 10:20