Gjatë një ndalese në Landin e Renanisë Veriore të Vestfalisë, në Republikën Federale të Gjermanisë, kryeministri Edi Rama komentoi edhe protestën që prej më shumë se një muaji po zhvillohet në Tiranë.
Duke folur në forumin europian të inovacionit dhe sipërmarrjes “Ruhr Summit”, Rama tha se e vlerëson këtë protestë si një mesazh me peshë për drejtimin e qeverisë së tij, ndërsa shtoi se në ditët e saj janë përfshirë edhe aktorë dashakeqës që, sipas tij, e kanë deformuar tubimin.
Të lidhura
None found
“E konsideroj një mesazh të rëndësishëm për qeverisjen time, po mundohem ta dëgjoj me shumë kujdes, jo duke numëruar njerëzit, por duke u përpjekur të kuptoj shqetësimet. Qeveria që resht së dëgjuari, resht së qeverisuri. Në të njëjtin bulevard ku flamengot festojnë lirinë, kishim njerëz që u vranë…
Ajo që dua të them është që pas gjithë kësaj të mire erdhi e keqja, erdhi biznesi, dhe protesta u shndërrua në arenën e aktorëve dashakeq”, tha Rama.
