Anteo Osmanllari ishte ai që dha asistin te goli i Ademit në barazimin e skuadrës së Erzenit ndaj Kukësit (1-1). Pas ndeshjes, lojtari i ekipit nga Shijaku u shpreh i kënaqur.
“Barazimi? Jam i kënaqur për asistin tim të parë që dhash, por jam i mërzitur që pësuam gol në minutat shtesë.
Dueli me Ndrecën? Është një lojtar cilësor, pasi ka vite që luan në elitë dhe ishte një duel i fortë. Gjithçka që bëjmë në ndeshje është e stërvitur dhe e gjitha ishte e mirë menduar.
Europa? Kemi besim, kampionati është i barabartë për të gjitha ekipet. Pse mos të shpresojmë dhe ne. Kemi harmoni në grup dhe shpresoj që të arrijmë objektivat.
Idhull? Më i madh është Cristiano Ronaldo. Joan Cancelon për pozicionin që ka në fushën e lojës”, tha ai./Albeu.com/
