Dogana e Kosovës ka njoftuar se ka qenë e angazhuar që në fazat fillestare të hetimeve për dyshimet për krim të organizuar në sektorin e derivateve të naftës, bazuar në vendim të Prokurorisë Speciale të Republikës së Kosovës.
Të lidhura
None found
Sipas njoftimit, dërgesa e parë e dyshuar është ndaluar në nëntor të vitit 2024, në bashkëpunim me Policinë e Kosovës dhe Prokurorinë Speciale, çka shënoi edhe fillimin e një hetimi të koordinuar ndërinstitucional.
Dogana ka theksuar gjithashtu se gjatë gjithë kësaj periudhe ka qenë pjesë e ekipit të përbashkët hetimor, në pajtim me legjislacionin në fuqi.
Po ashtu, institucioni ka rikujtuar se prej majit të vitit 2021, kontrolli laboratorik i cilësisë së derivateve të naftës është kthyer në laboratorin e Doganës, pas një vendimi të Ministrisë së Industrisë, Ndërmarrësisë dhe Tregtisë.
Sipas Doganës, ky mekanizëm ka mundësuar kursime prej afërsisht 1.5 milion eurosh në koston e analizave laboratorike, ndërkohë që ka siguruar kontroll të paanshëm dhe në harmoni me standardet e Bashkimit Evropian.
