Kryetari i Aleancës për Ardhmërinë e Kosovës, Ramush Haradinaj, në konferencën pas takimit me Kryeministrin Albin Kurti, tha se i ka dërguar këtij të fundit një letër, në të cilën ka paraqitur kërkesat dhe shqetësimet e AAK-së lidhur me zhvillimet rreth dialogut të Kosovës me Serbinë.
Në këtë letër, AAK ka renditur gjashtë pika, përmes të cilave thotë se paraqet qëndrimin rreth dialogut.
AAK kërkon që temat nacionale të mos jenë ekskluzivitet i askujt.
“Askush nga institucionet e Kosovës nuk mund të ndërmarrë veprime për sa i përket temave të dialogut me Serbinë e të befasojë Kuvendin e Republikës së Kosovës. Askush nuk duhet të hyjë në obligime të fshehta apo të hapura, pa dakordim paraprak me spektrin politik në Kosovë, përkatësisht Kuvendin e Republikës së Kosovës”, thuhet në pikën e parë të letrës që AAK i ka dërguar Kurtit.
Më poshtë keni letrën e plotë që Haradinaj i ka dërguaar Kryeministrit Kurti:
