Kandidon për deputete, Floriana Garo lavde Bashës: Lideri i duhur për shqiptarët!

“Lulzim Basha është lideri i duhur për ta anëtarësuar plotësisht Shqipërinë në Bashkimin Europian…”

Zëdhënësja e fushatës së Partisë Demokratike, njëkohësisht edhe kandidatja për deputete, Floriana Garo përmes një deklarate për shtyp nga selia blu kërkoi që shqiptarët të votojnë Lulzim Bashën.

Sipas saj ndryshimi do të vijë vetëm duke votuar PD pasi sipas saj Basha është lideri i duhur për t’a anëtarësuar plotësisht Shqipërinë në Bashkimin Europian.

Deklarata e plotë:

Shqipëria kërkon ndryshim.

Çdo qytetar shqiptar e di se nëse ne nuk bëhemi pjesë e Bashkimit Europian, ne nuk do të jemi në gjendje të bëhemi një vend i zhvilluar.

Për 8 vite, Rama nuk na çoi asnjë hap përpara drejt BE-së. Rama nuk do të sjellë ndryshim në Shqipëri.

Dështimi po troket në derë edhe një herë. Ne nuk duhet t’ia hapim derën atij. Thuajini jo Ramës! Shqipëria duhet të ecë përpara.

Ne nuk mund ta lejojmë atë të vazhdojë edhe një mandat tjetër.

Lulzim Basha, që ka shkëlqyer në marrëdhëniet me jashtë dhe ia ka dalë që të anëtarësojë Shqipërinë në NATO dhe që bëri realitet udhëtimin pa viza, është lideri i duhur për ta anëtarësuar plotësisht Shqipërinë në Bashkimin Europian.

Më 25 prill, ne do të votojmë për Bashën dhe për Partinë Demokratike që t’i sjellim shpresë Shqipërisë. /albeu.com/

 


Shtuar 5.04.2021 16:37