Interi “mbret” i transfertave, mposht Atalantën dhe nis shkëputjen

Rastet ishin të pakta në pjesën e parë të sfidës, por sërish “zikaltërit” e Inter kanë arritur ta “thyejnë” mbrojtjen e hekurt të “bergamaskëve” të Atalanta, duke gjetur kështu golin e avantazhit në “Gewiss Stadium”.

Një ndërhyrje e gabuar nga portieri Musso, në dëm të Matteo Darmian, nuk kalon pa u vënë re nga arbitri kryesor i sfidës, i cili akordon një 11-metërsh dhe nga pika e bardhë e penalltisë, Hakan Calhanoglu nuk gabon, duke e çuar topin në rrjetë. Rezultati shkon në 0 me 1.