Moti përvëlues ka prekur prej ditësh Shqipërinë duke i bërë orët e pikut të padurueshme nga njerëzit.
Me rritjen e temperaturave të cilat priten të zgjasin prej disa ditësh, Urgjenca Kombëtare ka një njoftim të rëndësishëm.
Urgjenca lajmëron qytetarët të kujdesen për shëndetin e tyre në këto ditë të nxehta në Shqipëri duke dhënë këshillat e nevojshme si pirja e ujit, veshja e rrobave dhe ushqimi me vakte të vogla.
NJOFTIMI:
Ndihma e parë: Goditja nga i nxehti.
Parandalimi i dëmtimeve nga i nxehti:
– Evitoni ekspozimin në diell nga ora 11:00 – 17:00, sidomos për fëmijët dhe të moshuarit.
– Ambienti të jetë i freskët dhe ajrosur mirë. Të vendosen perde të errëta në dritare që janë të ekspozuara ndaj rrezatimit të diellit.
– Të pihen sa më shumë lëngje, kryesisht ujë.
– Konsumoni vakte ushqimore të shpeshta dhe në sasi të vogël. Të ftohta dhe me përbërës ushqimorë të tretshëm.
– Vishuni me rroba të lehta, me ngjyra të hapura dhe prej pambuku ose linoje.
– Për personat që përdorin terapi mbajtëse të mos e ndërpresin ose ndryshojnë pa u konsultuar me mjekun.
– Rekomandohen dushe të shpeshta me ujë të vakët dhe pa u tharë me peshqir.
Për çdo Urgjencë Mjekësore telefononi në numrin pa pagesë 127. /albeu.com/
